MANILA, FILIPINAS (12 fevereiru 2026) – Sua ExelénsiaPrezidente Tribunál de Rekursu, Dr. Afonso Carmona, hamutuk ho espoza, no delegasaun , partisipa iha serimónia abertura ba kursu espesializadu ida ne’ebé hala’o iha Filipinas.
Kursu ne’e ho títulu: “Advanced Courses of The Hague Academy of International Law on the Role of International Law in Advancing ASEAN Judiciaries”. Eventu ne’e hala’o ho tema sentrál: “Papél Direitu Internasionál no Avansu Sistema Judisiáriu ba ASEAN”.
Kapasitasaun no Kooperasaun Judisiária Objetivu prinsipál husi formasaun nível aas ne’e mak atu kapasita membru judisiáriu sira hotu husi nasaun membru ASEAN sira. Partisipasaun husi akadémia judisiária sira iha rejiaun laran tomak hatudu komprimisu boot hodi hametin kualidade foti desizaun nian bazeia ba padraun internasionál.
Liuhusi inisiativa ida-ne’e, hein katak sistema judisiáriu iha rejiaun bele avansa liután, liuliu iha koñesimentu tékniku kona-ba direitu internasionál ne’ebé sai nu’udar pilar importante ba integrasaun ASEAN nian.
Delegasaun husi Timor-Leste Alende S.E. Prezidente, delegasaun husi Timor-Leste ne’ebé partisipa iha eventu importante ne’e mak:
- Dr. Silveiro Pinto Baptista(Vice Prezidente CSMJ)
- Dr. Alexandre Gentil Corte Real de Araujo (Membro CSMJ)
- Sr. Cipriano Sarmento da Costa Lopes, Diretór Jerál Tribunál de Rekursu.
Prezensa delegasaun ne’e nian hatudu katak Timor-Leste foka maka’as ba modernizasaun no dezenvolvimentu rekursu umanu iha setór justisa, hodi prepara an di’ak liután ba dezafiu rejionál sira.