Iha loron 02 fulan Marsu 2026, Sua Exelénsia Prezidente Tribunal de Recurso, Dr. Afonso Carmona, partisipa iha missa agradesimentu ba komemorasaun Loron Nasionál Veteranus ba dala 9, ne’ebé realiza iha Igreja Paróquia Metinaru.
Serimónia relijioza ne’e hanesan forma ida hodi fó onra no respeitu ba kontribuisaun boot ne’ebé veteranus sira fó ona ba luta libertasaun no independénsia nasaun nian. Iha okaziaun ne’e, autoridade sira no komunidade lokál mos partisipa hodi fó solidariedade no apresiasaun ba sakrifísiu heróis no mártires Pátria.
Depois de missa, Sua Exelénsia kontinua ba Jardím Heróis da Pátria iha Metinaru hodi halo deposisaun flores ba heróis no mártires da Pátria, nu’udar sinal respeitu no rekonesimentu ba sira-nia servisu no sakrifísiu ba Timor-Leste.
Partisipasaun ne’e refleta kompromisu instituisaun judisiál nian hodi valoriza istória luta libertasaun no kontribui ba konsolidasaun Estadu de Direitu Demokrátiku.