Iha visita refere, Diretor Jeral hanesan xefe ekipa hato’o agradese ba Sua Exelénsia Roberto Sarmento de Oliveira Soares, Embaixador Extraordináriu no Plenipotensiáriu husi Repúblika Demokrátika Timor-Leste, ba tempu no oportunidade.
Durante visita, halo mos enkontru entre Embaixador no ekipa husi Tribunal de Recurso atu diskute kona-ba reuniaun koordenasaun ho Mahkamah Agung Republik Indonesia iha Jakarta, ne’ebé realiza ona iha loron 8 no 9 Abril 2026.
Iha okaziaun refere, ekipa Tribunal de Recurso entrega mos kopia akordu Memorandum of Understanding (MoU) ne’ebé assina ona entre Mahkamah Agung Republik Indonesia no Tribunal de Recurso, hodi permite Embaixada nafatin akompanha prosesu sira atu atinze objetivu instituisaun no garante legalidade nasionál tuir lei internasionál.
Iha enkontru refere, Sua Exelénsia Embaixador hatete nia dezeju katak ekipa Tribunal de Recurso presiza fó informasaun ba progresu implementasaun husi akordu MoU refere. Embaixada sei kontinua halo akompanhamentu ba prosesu ne’e, tanba nia papel hanesan reprezentante Estadu Timor-Leste iha Indonézia iha kontestu relasaun internasionál.
Tuir mos, Sua Exelénsia Embaixador hatete katak halo mos komunikasaun ho Ministériu Justisa hodi assegura akompanhamentu ne’ebé efetivu ba prosesu refere.