Prezidente Tribunal de Recurso Partisipa iha Cerimónia de Abertura da XXXI Reunião Ordinária do Conselho de Ministros da CPLP

Dili, 19 de Agostu de 2026 — Sua Ecelénsia Prezidente Tribunal de Recurso, Dr. Afonso Carmona, partisipa iha Cerimónia de Abertura da XXXI Reunião Ordinária do Conselho de Ministros da Comunidade dos Países de Língua Portuguesa (CPLP).

Serimónia ne’e realiza iha Salão Nobre do Ministério dos Negócios Estrangeiros e Cooperação, Dili, no hetan partisipasaun husi representantes dos Estados-Membros da CPLP no entidades relevantes sira.

Partisipasaun Sua Exelénsia Prezidente Tribunal de Recurso iha atividade ne’e reflete komitmentu Tribunal de Recurso atu kontinua hametin relasaun institusionál no kooperasaun entre Timor-Leste no nasaun sira ne’ebé integra iha CPLP, liuliu iha área justisa, direitu no fortalese instituisaun judisiária.

XXXI Reunião Ordinária do Conselho de Ministros da CPLP sai mós nu’udar oportunidade importante ba Estados-Membros atu diskute no promove asuntu sira ne’ebé relevante ba kooperasaun, dezenvolvimentu no fortalese Comunidade CPLP.

Partisipasaun iha eventu internasionál hanesan ne’e importante tebes ba Tribunal de Recurso, tanba bele kontribui ba hametin relasaun no troka esperiénsia entre instituisaun judisiária sira iha espasu CPLP.