Oé-Cusse, 5 Julho 2025 — Sua Excelência Dr. Afonso Carmona, Presidente Tribunal de Recurso, vizita Suku Costa iha Região Administrativa Espesial Oé-Cusse Ambeno (RAEOA), loron Sabadu, 5 fulan Julho 2025. Vizita ne’e akompanha husi Juiz Administrador Oé-Cusse.
Durante vizita, Dr. Afonso Carmona fó valor ba importante papel tradisaun no lideransa lokal iha promosaun justisa komunidade nian. Nia hateten katak sistema judisiál sei kontínua buka kooperasaun no komunikasuan entre autoridade formal no lideransa komunál.
“Ami buka harmonia entre lei formal ho kultura lokal. Vizita hanesan ida ne’e importante atu kompriende situasaun komunidade no lia-na’in sira nia kontribuisaun iha sustenta justisa iha rai-laran,” hateten Dr. Carmona.
Vizita ne’e fó oportunidade ba Tribunal Recurso atu aproxima-an liu husi komunidade, no halo atu justisa hetan ikus iha nivel sira hotu.