Díli, 01 Agosto 2025 – Direção Geral Tribunal de Recurso nian, representadu husi Diretor Geral, asina akordu parceria ho Fundasaun Cicanada – Sentru Treinamentu Vokasional Juventude (FC-STVJ) iha loron 01 fulan Agosto tinan 2025.
Akordu ne’e tuir objetivu atu fortalese kapasidade juventude Timor-Leste liuhosi fornecimento treinamentu vokasional, inklui área teknika no administrativu ne’ebe relevante ba sistema judisiáriu.
Akordu ne’e mos atu halo kooperasaun ba implementasaun programa formasaun ba funsionnario sira husi Tribunal Recurso, Tribunal Judicial Primeira Instância de Dili, Baucau, Suai no Oe-Cusse, No uza fatin formasaun iha STVJ Railaku
Representante husi STVJ mos expresa satisfasaun ba kolaborasaun ida ne’e, hodi hateten prontidaun fundasaun atu fó suporta tékniku no treinamentu ba benefisiáriu sira ne’ebé sei involve iha programa refere.
Objetivu prinsipal husi akordu ne mak , hanesan uza fasilidade STVJ Railaku atu fasilita realizasaun formasaun. Aumenta kapasidade no kompeténsia Funsionáriu Tribunais sira iha Timor-leste, no hakarak koordena no partilla rekurso umano,tékniku no loke fatin hodi sustenta prosesu formasaun ne’e.