Iha loron 23 fulan Setembru tinan 2025, Sua Exelénsia Eis Prezidente Tribunal Recurso, Dr. Deolindo dos Santos, partisipa iha Audénsia Públika ne’ebé hala’o iha Parlamentu Nasionál kona-ba Projeitu Lei n.º 10/V (3), kona-ba rejime jurídiku seguransa sosiál ba Titulares Órgaun Soberania, no Projeitu Lei n.º 11/VI (3), ne’ebé revoga Pensaun Mensal Vitalísia ba Deputadu sira no Ex-Titulares Órgaun Soberania, no fo providénsia seluk tan.
Audénsia públika refere hala’o iha Komisaun A – Asuntu Konstitusionál, Direitu, Liberdade no Garantia, ho partisipasaun husi representasaun Órgaun Estadu sira no entidade relevante seluk.
Partisipasaun Sua Exelénsia Eis Prezidente Tribunal Recurso iha audénsia ida-ne’e hatudu nia kompromisu kontinua atu kontribui ba prosesu lejizlativu no fó susténtu ba konsolidasaun Estadu de Direitu iha Timor-Leste.