Díli, 06 Outubru 2025 – Sua Ex.ª Presidente Tribunal de Recurso partisipa iha serimónia abertura formasaun kona-ba Lei n.º 6/2023, de 1 de Março, Lei da Proteção das Crianças e Jovens em Perigo, ne’ebé hala’o iha Díli.
Formasaun refere organiza hodi fó koñesimentu no kapasita profesionais relevante kona-ba asuntu protesaun ba labarik sira no jovens ne’ebé iha situasaun vulnerável. Iha programa formasaun ne’e, aborda tópiku sira hanesan: vizaun jeral kona-ba enkuadramentu legal, prinsípiu orientadór, intervensaun judisiál, intervensaun la’ós judisiál, no intervensaun judisiál spesífika.
Partisipasaun Sua Ex.ª Presidente Tribunal de Recurso iha serimónia abertura ne’e hatudu importante lei ida ne’e iha esforsu nasionál hodi garante direitu fundamental sira ba labarik no jovens, atu bele sai seguru, protejidu no iha oportunidade igual iha dezenvolvimentu sira nian.