Prezidente Tribunal de Recurso fó tomada de posse ba xefes Seksaun foun

Iha loron 15 fulan Outubru tinan 2025, Sua Exelénsia Dr. Afonso Carmona, Prezidente Tribunal de Recurso, hala’o serimónia tomada de posse ba xefes Seksaun foun iha Tribunal de Recurso.

Iha okazisaun ida-ne’e, Senhór Leonel Amâncio Sarmento,Adjunto escrivão, simu tomada de posse hanesan Xefe Seksaun Kriminál, no Senhór Manuel Francisco, Ofiçial Dilegençia  simu tomada de posse hanesan Xefe Seksaun Sivil.

Tomada de posse ida-ne’e hala’o hodi reforsa servisu di’ak no funsionamentu Tribunal sira iha area justisa, no atu garante administrasaun justisa ne’e lao ho efiçiénsia no responsabilidade.

Sua Exelénsia Prezidente Tribunal de Recurso  Dr.Afonso Carmona, hakarak estimula no apresia xefes Seksaun foun sira atu servisu ho dedikasaun, integridade, no kompromisu ba rai no justisa ne’ebé di’ak ba povu Timor-Leste.