Iha loron 5 fulan Novembru tinan 2025, Sua Exelénsia Okto Dorinus Manik, Embaixadór da Repúblika Indonézia iha Timor-Leste, hala’o vizita kortezia ba Tribunal de Recurso.
Vizita ne’e, Sua Exelénsia Embaixadór simu husi Sua Exelénsia Presidente Tribunal de Recurso, Dr. Afonso Carmona.
Iha Vizita ida ne’e, Sua Exelénsia Dr. Afonso Carmona hatete katak Tribunal de Recurso sempre nakloke ba ema hotu, tanba Tribunal de Recurso mak institusaun judisiál ne’ebé representa justisa iha Timor-Leste.
Sua Exelénsia Embaixadór Okto Dorinus Manik hato’o agradesimentu no hatete katak Tribunal de Recurso tenki nakloke ba ema hotu duni, laran luak, hanesan prova de justisa no transparénsia iha sistema judisiál. Nia mos kontente tamba agora Timor-Leste tama ofisiálmente iha Associação das Nações do Sudeste Asiático (ASEAN), ne’ebé hatudu progresu importante ba nasaun ne’e.
Sua Exelénsia Dr. Afonso Carmona mos exprime sentidu respeitu no kontente tanba vizita kortezia husi Sua Exelénsia Embaixadór Indonézia. Vizita ne’e reforsa relasaun amizade no kooperasaun entre instituisaun judisiál Timor-Leste no Embaixada da Indonézia iha Dili.