Iha loron 21 de Novembru de 2025, Sua Exeléncia Presidente do Tribunal de Recurso, Dr. Afonso Carmona, halo asinatura kontratu konstruksaun ho kompania 4 (ha’at) ne’ebé sai manan nain ba projetu konstruksaun Edifisiu Tribunais Judisiál Primeira Instánsia no rezidénsia juízes iha munisípiu:
- Baucau 2. Bobonaro 3. Ermera 4. Viqueque
Kompania sira ne’ebé asina kontratu:
- TJPI – Baucau, Kompania: Shandong Hejian Construction Group (China)
Representante: Mr. Ren Yongjie
- TJPI – Bobonaro, Kompania: Jiangsu Zhouxu Construction Ltd. (China)
Representante: Mr. Xu Yongshou
- TJPI – Ermera, Kompania: Atunegos Unipessoal, Lda. (Timor-Leste)
Diretor: Mr. Pedro dos Santos Martins
- TJPI – Viqueque, Kompania: Bonavide Unipessoal, Lda. (Timor-Leste)
Diretora: Sra. Lily Ivan Ching
Asinatura kontratu ida-ne’e akompaña husi:
- Diretor Jeral Tribunal de Recurso,
- Representante husi CNA,
- Representante husi ADN,
- Representante husi Obras Públicas,
- Representante husi SGP.
Intervensaun Sua Exeléncia Presidente Tribunal de Recurso, Dr. Afonso Carmona
Iha nia diskursu, S.E. Presidente Tribunal de Recurso hateten katak projetu konstruksaun ne’e mak parte hosi esforsu bo’ot atu:
- reforsa infraestrutura judisiál iha nivel munisípiu,
- hadia asesu ba servisu tribunal,
- garante ambiente traballu seguru no di’ak ba magistradu no funsionáriu sira,
- fó konfiansa bo’ot liu tan ba pova Timor-Leste iha sistema justisa nian.
Sua Exeléncia Presidente hateten mos:
“Konstruksaun edifisiu tribunais no rezidénsia juízes sira iha munisípiu ha’at ne’e, la’ós de’it investimentu iha infraestruturas, maibé investimentu iha dignidade no kapasidade sistema judisiál nian. Tribunal iha munisípiu presiza fó servisu ho padraun profisionál, transparente no akuntavel, atu garante povo rona justisa ho dalan lo’os.”
Sua Excelênciaakresenta katak Tribunal de Recurso sei kontinua halo monitorizasaun no kolaborasaun ho entidáde sira atu hadia qualidade servisu as legalidade iha implementasaun projetu.