Díli, 24 Novembru 2025 — Sua Exelénsia Presidente Tribunal de Recurso, Dr. Afonso Carmona, partisipa iha eventu importante ida, ne’ebé nia realizasaun halo ho objetivu atu reforsa espírito unidade no orgullu kolektivu povu timorense, iha okaziaun komemorasaun 50 anos proklamasaun Independénsia Nasional.
Iha parte dahuluk, Sua Exelénsia Dr. Carmona toma parte iha seremónia inagurasaun expozisaun kona-ba desenvolvimentu governasaun lokal, ne’ebé parte sira hatudu progresaun no ezemplu esforsu kontinua husi autoridade lokál sira atu promové dezenvolvimentu susténtavel, transparénsia no boa governasaun iha komunidade.
Expozisaun nian mos hatudu trajetória evolusaun governasaun lokal husi tempu ba tempu, inklui projetu estratéjiku no inisiativa inovadór ne’ebé kontribui diretamente ba mellorasaun kualidade vida populasaun, liu husi ai han lokal no produtu lokal sira seluk.
Tribunal de Recurso reafirma nia kompromisu atu kontinua kontribui ba establidade sistema justisa nian, parte integrál husi esforsu nasional atu garanti governasaun ida ne’ebé responsavel no transparente.