Iha loron 26 fulan Novembru 2025, Sua Exelénsia Presidente Tribunal de Recurso, Dr. Afonso Carmona, halo visita ofisiál ba Tribunal Judisiál Primeira Instánsia Baucau.
Objetivu visita ne’e mak atu hare diretamente kondisaun edifísiu, asesu ba rekursu sira, kondisaun funsionáriu, no servisu juízes sira iha Tribubnal refere.
Durante visita, Sua Exelénsia halo mos enkontru ho juízes no funsionárius sira, hodi rona sira-nia desafius no prioridade iha loron-loron. Enkontru ida ne’e hatudu kompromisu Tribunal de Recurso
Iha diskusaun ofisiál, Presidente Carmona koalia kona ba planu dezenvolvimentu ne’ebé prioridade ona, inklui konstrusaun edifísiu foun ba Tribunal Primeira Instánsia no rezidénsia ba juízes sira iha Baucau, Viqueque, Maliana no Ermera hodi hadia kualidade servisu no fasilita funsionamentu institusaun.
Sua Exelénsia enkoraja forte juízes no funsionáriu sira atu kontinua servisu ho profisionalismu, integridade no dedikasaun, hodi bele aumenta padraun servisu no kontribui ba justisa ne’ebé transparente no efisiente ba povu.