Diskursu ba Abertura
Iha biban ne’e, workshop ne’emos hetan apresiasaun boot no prezensa husi Prezidente Supreme Court Singapura, ne’ebe hato’o diskursu abertura ka breve palavra, iha nia intervensaun, nia foka ba importância hodi kria sistema judisiáriu ida ne’ebe forte liu husi dezenvolvimentu kbiit no mós saúde mental ba majistradu sira hotu iha reijiaun ASEAN.
Objetivu Prinsipál
Workshop ne’ebe foka ba kbiit no bem- estar juis sira-nian ne’e, iha objetivu atu:
- Reforsa kualidade vida no saúde mental ba majistradu sira iha rai-laran no ASEAN nian.
- Fahe esperiénsia no estratégia hodi kria ambiente serbisu ne’ebe saudável iha kórpu judisiáriu.
- Hametin kooperasaun judisial entre Timor-Leste ho nasaun sira iha reijiaun Sudeste Aziáttiku (ASEAN).
Importánsia ba Timor-Leste
Partisipasaun S.E. Dr. Afonso Carmona S.H.,M.H., nian hatudu kompromisu boot Tribunál de Recurso nian hodi assegura katak majistradu sira iha kbiit fíziku no mental ne’ebe di’ak, hodi bele fó desizaun ne’ebe justu no profissional ba povu no Estadu.
Iha biban ne’e, delegasaun Timor-Leste mós hala’o diskusaun ho lider judisiáriu sira husi nasaun seluk hodi dezenvolve liu tán kbiit instituisionál ho padraun internasionál.