Ermera, 29 de Agostu 2025 – Tribunal de Recurso informa katak, Diretor Geral, Sr. Higino Soares, subtitui Sua Ex.ª Presidente Tribunal de Recurso, Dr. Afonso Carmona, atu preside Serimónia enseramento formasaun ba funsionárius tribunais, ne’ebé hala’o iha Postu Railaku, Suku Fatukeru, Munisípiu Ermera.
Formasaun ida ne’e mak parte integrante husi Planu Asaun Anuál (PAA) 2025, no implementa politika reforma rekursus umanus tribunais nian, ne’ebé orienta tiha ona husi Sua Ex.ª Presidente Tribunal de Recurso. Objetivu boot mak atu hadia kapasidade instítuisaunál tribunais nian, no responde mos ba prioridade politika Governu Timor-Leste, ne’ebé hakerek iha Decreto-Lei Nú. 38/2012, de 1 de Agostu, kona-ba regime formasaun no dezenvolvimentu funsaun publiku.
Formasaun ne’e hala’o entre loron 4–29 de Agostu 2025, ho programa temátiku ne’ebé orienta ba reforsa kapasidade funsionárius no ajentes administrasaun iha tribunais. Atividade ne’e fo kontribuisaun importante ba esforsu atu aumenta transparénsia, efisiénsia no kualidade iha prestasaun servisu judisiáriu.
Alén husi ida-ne’e, formasaun ida ne’e mak orienta ba objetivu espesífiku atu aumenta konhesimentu no kapasidade profisionál funsionáriu tribunais iha área relevante, ne’ebé konsidera importante ba dezenvolvimentu kontinuadu tribunais nian. Formasaun ne’e fasilita husi Direção Rekursus Umanus Tribunal de Recurso, hamutuk ho sentru treinamentu relevante, hodi garante kualidade kontinuadu no metodológia aprendizajen.