Díli, 21 Julho 2025 – Iha kontestu preparasaun Orsamentu Tribunais ba tinan orçamentál 2026, Sua Exelénsia Presidente Tribunal de Recurso, Dr. Afonso Carmona, hamutuk ho Exelentísimos Juízes Administradores husi Tribunal Judísial Primeira Instáncia (TJPI) Dili, Baucau, Suai no Oe-Cusse, Exelentísima Senhora Sekretária Superior Tribunal de Recurso, Exelentísimo Diretor Jerál, Exelentísimos Diretores Nasionáis, Xefes Auditores no Xefes Departamentu sira partisipa iha diskusaun importante ne’e iha Sala Reuniaun Konsellu Superior magistratura Judicial.
Enkontru importante ne’e bele konsidera hanesan plataforma ida atu analiza no harmoniza prioridade sira, identifika nesesidade urjente, no determina orientasaun estratéjika ba jestaun orsamental tribunais ba tinan 2026. Diskusaun ida ne’e maka evidensia kompromisu kolektivu no lideransa Tribunal de Recurso hodi aumenta transparensia, efektividade no responsabilizasaun iha prosesu elabora Orsamentu ba tribunais nian.
