Iha loron 22 fulan Agostu 2025, Sua Excelência Presidente Tribunal de Recurso hamutuk ho Juízes Administradores husi Dili, Oecusse, Suai, no mos Diretor-Geral, Diretores Nasionál Chefes Auditores Camara de Contas no Chefes Departamentu Tribunal de Recurso, partisipa iha diskusaun kona-ba Orsamentu Tribunais ba tinan fiskál 2026.
Diskusaun refere hala’o iha Edifísiu Ministériu Finansas, Dili, ne’ebe lidera husi Sua Excelência Primeiro-Ministru, Kay Rala Xanana Gusmão.
Objetivu hosi enkontru ne’e mak hodi apresia no harmoniza proposta Orsamentu Tribunal de Recurso ho prioridade polítika no dezenvolvimentu governu nian, no mos prepara “Pasta Verde” (033 – Tribunais) ba tinan fiskál 2026.
Participasaun ativa husi Tribunal de Recurso iha diskusaun importante ne’e hatudu ona konpromisu institusionál hodi garantiia independénsia, transparénsia no funcionamento justisa iha Timor-Leste.