Díli, 14 Julho 2026 –Sua Exelénsia Presidente Tribunal de Recurso hanesan mos Presidente Conselho Superior da Magistratura Judicial, Dr. Afonso Carmona, fó posse ba Dr. Yudi Pamukas atu hala’o knaar hanesan Juiz-Secretáriu Conselho Superior da Magistratura Judicial, tuir deliberasaun Conselho Superior da Magistratura Judicial.
Nomeasaun ne’e bazeia ba deliberasaun ne’ebé foti iha 12.ª Sessão Ordinária Conselho Superior da Magistratura Judicial, iha loron 02 Julho 2026, ne’ebé partisipa husi Presidente Conselho, Dr. Afonso Carmona, no membru Conselho Superior da Magistratura Judicial.
Iha sessão refere, Conselho deside atu hakotu missão de Serviço ne’ebé antes ne’e hala’o husi Juíza de Direito Dra. Zulmira Auxiliadora Barros da Silva hanesan Secretária Conselho Superior da Magistratura Judicial, no nomeia Juiz de Direito Dr. Yudi Pamukas ba kargu refere, tuir dispozisaun Artigu 70 Estatutu Magistrados Judiciais.
Deliberasaun ne’e determina mos komunikasaun oficial no publika iha Jornal da República, Série I, Númeru 27-D, loron 14 Jullu 2026.
Serimónia tomada de posse ne’e marka inísiu oficial ba Dr. Yudi Pamukas atu assume responsabilidade hanesan Juiz-Secretáriu Conselho Superior da Magistratura Judicial, ho objetivu atu kontinua Administra Justisa ho imparsialidade no Isensaun, hodi garante mos funcionamento di’ak instituisaun no dezenvolve sistema judisiáriu Timor-Leste.