KUALA LUMPUR, MALÁZIA- Ho objetivu atu hametin parseira judisiál iha reijiaun Sudeste Aziátiku, delegasaun ofisiál husi Tribunál de Rekursu Timor-Leste participa iha Enkontru Traballu (Working Week) ba dala-12 husi Council of ASEAN Chief Justices (CACJ). Enkontru ne’e hala’o iha Kuala Lumpur, Malázia, hahú husi loron 26 to’o 30 Abril 2026.
Diskusaun Estratéjika
Durante semana servisu ne’e, delegasaun Timor-Leste, hamutuk ho representante sira husi nasaun membro ASEAN seluk, foka ba dezenvolvimentu programa estratéjiku sira ne’ebé sai nu’udar prioritize ba CACJ. Tópiku principal sira ne’ebé diskuti mak hanesan:
- Judge Meeting on Nature and Status of Digital and other virtual Assets.
- ASEAN Intelectual Property Judges Meeting.
- ASEAN Insolvency Judges Meeting.
- Meeting of the Working Group on Climate Justices.
- Meeting of the Working Group on Civil Proceeding Within ASEAN.
- Meeting of the Working Group on Case Management and Court Technology.
- Meeting of the Working Group on Conduct of video conferencing Hearings.
- Meeting of the Working Group on ASEAN Meeting.
- Meeting of the Working Group on Cross on ASEAN Judiciaries Portal.
- Meeting of the Working Group on Cross Border Disputes Involving Children.
Importánsia ba Timor-Leste, Partisipasaun ida ne’e hatudu pozisaun estratéjika Timor-Leste nian ne’ebé firme tebes iha ninia dalan atu sai membro plenáriu ASEAN. Prezensa Tribunál de Rekursu nian iha Kuala Lumpur la’os de’it hodi rona, maibé mós hodi kontribui ho hanoin no esperiénsia lokál nian ba dezenvolvimentu justiça iha reijiaun ne’ebé dinámiku ne’e.
Komprimisiu ba Futuru
Iha sorin seluk enkontru ne’e, ekipa ofisiál husi Timor-Leste mós hala’o enkontru bilateral balun hodi hametin ligasaun ho judisiáriu nasaun viziñu sira, ho meta atu assegura katak sistema judisiáriu iha Timor-Leste kontinua la’o tuir padraun internásional no responde ba necessidade sidadaun sira nian iha era modernu.