Iha loron 19 fulan Dezembro 2025, realiza Missa Agradecimentu ba Tinan Judisiál Tribunais Timor-Leste, nudar momentu espiritual ida atu agradese Maromak ba servisu sira iha tinan judisiál ne’ebé liu ona.
Missa agradesimentu ida ne’e partisipa husi Sua Exelénsia Presidente Tribunal de Recurso, Juízes Conselheiros, Juízes Administradores, Juízes de Direitu, no Funsionáriu judisiáriu sira husi tribunais hotu-hotu.
Tribunais sira ne’ebé partisipa iha selebrasaun Missa ba Ano Judisiál ida ne’e mak Tribunal de Recurso, Tribunal Judisiál Primeira Instánsia Dili, Baucau, Oé-Cusse no Suai, no Tribunal de Contas.
Iha misa ne’e, hamutuk halo reflesaun kona-ba responsabilidade no misaun sistema judisiáriu nian, hodi hamoris kompromisu ba servisu justisa, integridade no profisionalizmu iha Timor-Leste.
Missa Agradesimentu ba Tinan Judisiál sai hanesan momentu importante ida atu hamoris unidade espiritual no solidariedade entre magistradu no funsionáriu sira, hodi prepara an sira ba desafio no servisu judisiáriu iha tinan tuir mai.