Iha loron 27 fulan Novembro 2025, Sua Exelénsia Presidente Tribunal de Recurso, Dr. Afonso Carmona, hetan konvida husi Sua Exelénsia Presidente da Republika, Dr. José Ramos-Horta, hodi partisipa iha Serimonia Atribuisaun Kondekorasaun ba varius sidadaun nasional no estrangeirus, nebe’e realiza iha Palásiu Prezidensial Nicolau Lobatu, Dili.
Serimonia ne’e hala’o husi Presidente da Republika hodi rekonese kontribusaun ida ne’e ba sira nebe fo’o buat diak ba Nasaun Timor-Leste, inklui ema sira nebe kontribui iha área governu, komunidade, edukasaun, kultura, no diplomatiku.
Serimonia ne’e mos simboliza solidariedade no rekoñesimentu ba kontribusaun sira husi sidadaun estrangeirus nebe ajuda iha desenvlovimentu no estabilizasaun Nasaun. Ne’e inklui entrega medalha, sertifikadu no outros titulu honoráriu nebe representa gratidaun husi prezidénsia ba meritu sira.