Presidente Tribunal de Recurso no Juiz Inspetór Halo Visita Ofisial ba Tribunal Judisial Primeira Instansia de Oé-Cusse

Oé-Cusse, 04 Outubru 2025 – Sua Ex.ª Presidente Tribunal de Recurso, Dr. Afonso Carmona, hamutuk ho Juiz Inspetór Tribunal de Recurso, halo visita ofisial ba Tribunal Judisial Primeira Instansia de Oé-Cusse.

Visita ida ne’e nia objetivu atu hatene diretamente funsionamentu no dezafiu sira ne’ebé Tribunal Judisial Primeira Instansia Oé-Cusse enfrenta, no mos atu fó motivasaun ba majistradu sira, sekretáriu judisiál, eskrivaun, no funsionáriu administrativu sira.

Iha enkontru, Sua Ex.ª Presidente Tribunal de Recurso subliña importânsia halo servisu judisiál ho profisionalismu no integridade atu garante justisa ba ema hotu iha rejiaun Oé-Cusse.

Juiz Inspetór Tribunal de Recurso mos fó konsellu kona-ba komportamentu étiku no obrigasaun profisionál ne’ebé juiz sira tenke respeita, no subliña katak Tribunal de Recurso sei kontinua akompaña no fó suporta ba tribunál primeira instansia sira hotu.

Visita ida ne’e remata ho esperansa katak Tribunal Judisial Primeira Instansia de Oé-Cusse sei kontinua reforsa kapasidade no kualidade servisu, hodi fó konfiansa ba povu iha area justisa nian.