Viqueque, 15 Julho 2025 — Presidente Tribunal de Recurso, Sua Excelência Dr. Afonso Carmona, partisipa iha serimónia enseramentu ba eventu komemorasaun Loron Nasionál Funsaun Públika ba dala-XI, ne’ebé hala’o iha Kampu Demokrasia, Viqueque.
Atividade ida ne’e representa momentu importante atu valoriza kontribuisaun no dedikasaun funsionáriu públiku sira iha prosesu dezenvolvimentu nasaun. Sua Excelência Dr. Afonso Carmona fó presensa hanesan forma apresiasaun ba esforsu no servisu profesonál funsionáriu públiku, inklui sira ne’ebé halo parte iha sistema judisiáriu.
Komemorasaun Loron Nasionál Funsaun Públika ba dala-XI halo ho tema “Promove politika ho baze Evidensia Dadus Estatistíca hodi maximiza Reseitas no Halo Poupansa ba Despesas Públiku,” no halo partisipaun husi lideransa governamentál, representante autoridade lokál, no funsionáriu públiku husi eskala nasionál no distrital.
Eventu ne’e organiza husi Comissão da Função Pública (CFP), ho objetivu atu loke espasu ba refleksaun, valorizasaun no motivasaun ba servisu públiku ne’ebé efisiénte no transparénte.