Presidente Tribunal de Recurso Partisipa iha Asinatura Memorando de Intendimentu no Lansamentu Sertifikasaun Jéneru

Díli, 06 de setembro de 2025 – Sua Ex.ª Presidente Tribunal de Recurso, Dr. Afonso Carmona, partisipa iha serimónia asinatura Memorando de Intendimentu no lansamentu Sertifikasaun Jéneru (Gender Seal) entre Governo Timor-Leste(SEI) no UNDP, ne’ebé hala’o iha Salaun Maria Gorrete, Sekretaria Estadu ba Igualdade (SEI).

Parceria ida ne’e envolve Governo Timor-Leste, liu husi Sekretaria Estadu ba Igualdade (SEI), hamutuk ho Programa das Nações Unidas ba Desenvolvimento (UNDP). Inisiativa ne’e iha objetivu atu reforsa prinsipiu igualdade jéneru no direitu sira, liu-liu iha área instituisionál no governansaun.

Serimónia ida ne’e partisipa mos husi representante governu, UNDP, no instituisaun relevantes sira seluk, hanesan parte husi esforsu kolektivu atu promove igualdade jéneru no reforça sistema justisa iha Timor-Leste.