Díli, 4 Agostu 2025 – Sua Excelência Presidente Tribunal de Recurso, Dr. Afonso Carmona, partisipa iha serimónia lansamentu aplikasaun sistema online ba modelu kontribusaun Seguransa Sosial, ne’ebé realiza iha salaun OKA, Díli.
Aplikasaun online ne’e representa inovasaun importante iha sistema kontribusaun seguransa sosial, hodi fasilita prosesu administrativu no aumenta trasparénsia ba dadus kontribuinte sira. Lansamentu ne’e fó sinal klaru ba kompromisu Instituisaun Seguransa Sosial atu kontinua moderniza no digitaliza servisu públiku sira.
Partisipasaun Presidente Tribunal de Recurso iha ativdade ida ne’e mak parte husi kooperasaun entre Instituisaun Judisiáriu no entidade sira relevante iha reforça sistema seguransa sosial, atu garante direitu ba funsionáriu no servisu públiku sira.