Iha loron 10 fulan Outubru 2025, Sua Exeléncia Presidente Tribunal de Recurso, Dr. Afonso Carmona, partisipa iha reuniaun Konsellu Koordenasaun ne’ebé hala’o iha Ministériu da Justisa.
Reuniaun ida-ne’e objetivu atu hadia koordinasaun entre instituisaun judisiál no Ministériu da Justisa atu garante servisu justisa ne’e hala’o ho efisiénsia no transparénsia.
Durante reuniaun, Sua Exeléncia Presidente Tribunal de Recurso fo kontribuisaun importante kona-ba reforçu relasaun institusionál no hametin kolaborasaun entre poder judisiál ho poder ezekutivu, liuhusi Ministériu da Justisa, iha área administrasaun judisiária.
Atividade ida-ne’e hatudu ezemplu di’ak kona-ba kompromisu kontinu Tribunal de Recurso atu fortifika sistema justisa nian iha Timor-Leste.