Díli, 22 Julho 2025 – Sua Excelência Dr. Afonso Carmona, Presidente Tribunal de Recurso, partisipa iha selebrasaun loron eletrisidade Timor-Leste, ne’ebé realiza iha Díli hodi marka aniversáriu ba dala lima (5) husi Estadu Timor-Leste nian no Empreza Públika Eletricidade de Timor-Leste (EDTL, E.P.).
Iha okaziaun ne’e halo mos asinatura akordu Power Purchase Agreement (PPA) ba projetu Solar PV BESS (Battery Energy Storage System) ne’ebé iha Laleia, Manatuto. Projetu ida ne’e importante tebes atu hatama kontribuisaun ba forneimentu eletrisidade sustentável no fó impaktu positivu ba desenvolvimentu infrastruktura no ekonomia Timor-Leste.
Presidente Tribunal de Recurso fo valorizasaun ba inisiativa governu ho setor energia ida ne’e no reafirma importansia eletrisidade iha promove justisa sosial no dezenvolvimentu ba nasaun.
Selebrasaun ida ne’e hetan partisipa husi autoridade sira relevante, reprezentante instituisaun estadu no parseiru internasionál ne’ebé kontribui ba projetu Solar PV BESS.