Iha loron 11 no 12 fulan Dezembro tinan 2025, Sua Exelénsia Presidente Tribunal de Recurso, Dr. Afonso Carmona, partisipa iha serimónia fúnebre ba Mártires Libertasaun Nasional, ne’ebé hala’o iha Jardim dos Heróis e Mártires da Pátria, Munisípiu Liquiçá.
Partisipasaun Sua Exelénsia iha serimónia ne’e hanesan forma homenajen no respeitu boot ba mártires sira ne’ebé halo sakrifísiu aas, no fó sira-nia moris hodi hetan independénsia da Repúblika Demokrátika de Timor-Leste.
Durante serimónia, sente ho sentidu solene no laran-metin, ho presensa autoridade estadu sira, familia mártires sira, veteranu libertasaun nasional, no komunidade lokal. Serimónia ne’e mos sai hanesan momentu importante atu reforsa memoria istórika, unidade nasional no valor patriótiku ba jerasaun foun.
Sua Exelénsia Presidente Tribunal de Recurso subliña katak sakrifísiu mártires sira sei hela nafatin hanesan fundamentu forte ba konstrusaun Estadu Direitu Demokrátiku, no obrigasaun moral ba hotu-hotu atu kontinua servisu ho integridade, justisa no respeitu ba lei.
Serimónia fúnebre ida ne’e reflete kompromisu Estadu atu honra kontribuisaun mártires libertasaun nasional, ne’ebé sai hanesan simbolu rezisténsia, determinasaun no dominasaun ba liberdade nasional.