KOVALIMA, 09 Juñu 2025, Presidente Tribunal Rekursu Hala’o Vijita Traballu Dahuluk ba iha TJPI Suai Hamutuk ho Membru Konselu Superior Majistratura Judisial Sira.
Iha biban ne’e, PTR dehan, nia prezensa hodi hala’o vizita mai iha Tribunál Primeira Instánsia Kovalima hanesan parte ida hodi kumpri nia promesa bainhira simu pose husi Prezidente Repúblika iha loron 29 Abríl tinan ne’e.
Iha vijita ne’e atu enkoraja funcionário sira hahú husi Juiz, Ofisiál justisa no funcionário administrasaun, atu bele rona diak liu tan dezafiu.
Ho prezensa PTR ho nia membru konsellu atu hala’o reuniaun, nune’e juís, ofisiál justisa sira atu aprezenta sira-nia preokupasaun durante ne’e sira enfrenta nune’e sira bele envolve iha prosesu ho kontente.
Iha sorin seluk, Juís Administradór Tribunál Primeiru Instánsia Munisípiu Kovalima, Naasson Sarmento sente orgullu tanba Prezidente Tribunál Rekursu ho membru Konsellu hala’o vizita ba dahuluk mai iha Tribunál Primeira Instánsia Kovalima.
“Juís administradór orgullu tanba hafoin Prezidente Tribunál rekursu simu pose deside hodi hala’o vizita ba dahuluk mai iha Tribunál Judisiál Primeira Instánsia Suai nune’e ami bele relata ami-nia preokupasaun sira durante ami enfrenta”, nia reforsa.
Tuir loloos reuniaun konsellu hala’o iha Dili maibé PTR hakarak lori servisu iha Dili lori mai iha munisípiu atu rona preokupasaun juís, ofisiál justisa ho funsionáriu sira ho hanoin la’ós lori tribunál movél hakbesik ba povu, maibé PTR mak hakarak reuniaun konsellu hakbesik mai iha Tribunál iha munisípiu sira tanba juís sira mak hala’o servisu iha baze nune’e bele motiva sira.