Díli, 15 Agostu 2025 – Sua Exelénsia Dr. Afonso Carmona, Prezidente Tribunal de Recurso, partisipa iha “Presidential Lecture Series II” ho téma jeral “Timor-Leste in a Changing World: Global Foresight and Regional Integration for a Resilient Future”.
Konferénsia ida ne’e envolve partisipasaun hosi delegasaun nasional no internasionál, ho Keynote Speaker Prof. Kishore Mahbubani, ho aprezentasaun tituladu “Navigating Calm and Rough Seas: The State of the World and Timor-Leste’s Path Forward”.
Evento ida ne’e inklui mos aprezentasaun hosi Featured Speaker Embaixadór Edward Lee, kona-ba “Singapore’s Experience and Partnership for Timor-Leste’s Seamless Integration into ASEAN 2045: Opportunities and Collaborative Pathways”.
Iha diskursu nian, Senhor Embaixadór Edward Lee hateten katak Timor-Leste foin inisia ba dezenvolvimentu infrestutura, nune’e presiza prepara-an ho di’ak no prepara mos recursos ne’ebé sufisiente. Nia sublinna katak lideransa mak fatór importante tebes atu fó vizaun no determinasaun, hodi sai lider ne’ebé hetan fiar husi sosiedade nasional no internasionál.
Senhor Embaixadór dehan tan katak Singapura iha tempu ikus uluk laiha infrestutura kompletu — iha deit aeroportu no portu. Maibé lideransa sira investe nafatin ho pasiénsia no kontinuidade, ne’ebé lori ba situasaun ohin loron, Singapura hetan infrestutura barak tebes no dezenvolvimentu ida ne’ebé notavel.
Inisiativa ne’e hodi fó espasu ba líder no Péritu sira atu partilla vizaun, esperiénsia no estratejia kona-ba mudansa mundiál no integrasaun rejional, nune’e mos fó oportunidade atu dezenvolve diskusaun kona-ba diresaun politika no ekonomia Timor-Leste, hodi garante katak ekonomia nasaun bele lao ho di’ak no forte iha tempu oin, sustenta futuru ne’ebé resiliente no susténtavel.