Díli, loron 6 fulan Novembro 2025 — Sua Exelénsia Prezidente Tribunal de Recurso, Dr. Afonso Carmona,asina Kontratu Amendamentu ba Servisu Konsultoria Supervisaun Konstrusaun Edifisiu Tribunal Distrital Dili (RFP/012/TR-2019).
Serimónia asinatúra ne’e hala’o iha sala reuniaun Tribunal de Recurso, ho partisipasaun husi representante kompañia konsultoria DACREA, ne’ebé partisipa husi Mr. Kentaro Inoshita, President Director of DACREA Indonesia no Authorized Representative ba projetu refere.
Kontratu amendamentu ida ne’e iha objetivu atu reforsa kooperasaun entre Tribunal de Recurso no kompanhia konsultoria DACREA, hodi garante supervisaun téknika ne’ebé efisiente no hetan padraun qualidade ne’ebé espésifika iha konstrusaun edifisiu foun Tribunal Distrital Dili nian.
Durante serimónia, Sua Exelénsia Prezidente Dr. Afonso Carmona hatete katak projetu ida ne’e importante tebes ba reforsa infrastrutura sistema justisa iha nasaun, no subliña tan “konstrusaun edifisiu ida ne’e reprezenta kompromisu sistema judisiál atu hadia kondisaun servisu no fasilita asesu ba justisa iha Timor-Leste.”