Díli, 19 fulan Julho 2025 – Sua Exelénsia Dr. Afonso Carmona, Prezidente Tribunal de Recurso, partisipa iha serimónia abertura ofisiál Jogu Komunidade Países Língua Portuguesa (CPLP), ne’ebé realiza iha Estádion Munisípal Díli.
Serimónia abertura ne’e marka inísiu ofisiál kompetisaun Desportivu CPLP nian, ne’ebé fó oportunidade ba juventude husi nasaun lusófona sira atu bele hasae fraternidade, solidariedade no harmonia entre membru sira.
Prezensa husi Sua Exelénsia Prezidente Tribunal de Recurso iha momentu importante ne’e, reflete apoio institusionál no valorisaun relasaun fraternál CPLP, no mos kontribui ba ezisténsia timoroan iha plataforma internasionál.
Tribunal de Recurso sei kontinua fó kontribuisaun no sustenta partisipasaun iha atividadi nasionál no internasionál sira, ne’ebé fó valor ba justisa no unidade institusionál iha Timor-Leste.