DILI, 04 DE MAIU DE 2026 – Súa Exelénsia Prezidente Tribunál de Rekursu, Dr. Afonso Carmona, partisipa iha serimónia solene abertura ba Semana Língua Portuguesa 2026, ne’ebé hala’o iha Salaun Embaixada Portugál nian, iha Dili.
Eventu ne’e mos prezensa husi Súa Exelénsia Prezidente Repúblika no Súa Exelénsia Prezidente Parlamentu Nasionál, ne’ebé hamutuk ho Prezidente Tribunál de Rekursu, reprezenta órgaun soberania sira husi Estadu Timor-Leste. Partisipasaun ne’e nu’udar resposta ba konvite formál husi Embaixadór Portugál iha Timor-Leste, hodi selebra lian ne’ebé sai nu’udar pontu ligasaun entre nasaun sira iha CPLP.
Língua Portugueza nu’udar Pillar importante ba Estadu de Direitu
Partisipasaun Dr. Afonso Carmona nian iha eventu ne’e mós konta ho prezensa titulár boot sira Estadu nian, reafirma katak Língua Portugueza iha kna’ar estratéjiku iha dezenvolvimentu nasionál, liuliu iha sistema judisiáriu. Nu’udar lian ofisiál ida ne’ebé uza iha tribunais, selebrasaun ne’e sai hanesan oportunidade ida hodi hametin koperasaun institusionál no diplomátika ne’ebé ajuda hametin administrasaun justisa iha Timor-Leste.
Serimónia ne’e remata ho diálogu entre autoridade sira no membru korpu diplomátiku ne’ebé marka prezensa, hodi hafoin kompromisu ba hametin kooperasaun bilaterál ho Portugál no Timor-Leste.