“Quick of Meeting”

Iha loron 09 Marsu 2026.

S.E. Prezidente husi Tribunal de Recurso halo abertura iha enkontru ida ho naran “Quick Meeting” ho kompañia sira ne’ebé manan tender atu realiza TJPI-B, TJPI-V, TJPI-E no TJPI-B. Enkontru ida ne’e mos partisipa ho Diretor Geral husi Tribunal de Recurso, Diretor Geral husi Ministério das Obras Públicas, ekipamentu tékniku ADN, tekniku laboratorio no diretor sira ne’ebé iha tribunais.

Iha abertura enkontru, S.E. Prezidente fo liafuan hatudu agradese no apresiasaun ba kompania sira no partisipante hotu-hotu ne’ebé partisipa, tanba sira nia prezensa no kolaborasaun importante atu suporta realizasaun TJPI (Tribunal Judicial Primeira Instância)  sira ho diak no efisiente. Enkontru ida ne’e hala’o ho objetivu atu troka hanoin kona-ba planeamentu, preparasaun téknika, koordenasaun institusional no responsabilidade parte sira, hodi garante katak implementasaun edifisiu TJPI-Baucau, TJPI-Viqueque, TJPI-Eermera no TJPI-Bobonaro bele hala’o ho transparénsia, efisiénsia no susesu.

Liu husi enkontru, S.E. Prezidente enfatiza importánsia kooperasaun diak entre instituisaun governamentál, parte privadu no ekipamentu tékniku, hodi apoia dezenvolvimentu servisu institusional no realiza objetivu TJPI (Tribunal Judicial Primeira Instansia ) sira ne’ebé planeadu. Parte hotu-hotu reafirma sira nia komitmentu atu kontinua hametin kolaborasaun no koordenasaun, atu garante katak atividade sira bele hala’o tuir padraun ne’ebé apropriadu no responde ba nesesidade institusional.