Iha loron 16 Juñu 2026, Sua Excelência Prezidente Tribunal de Recurso, Dr. Afonso Carmona, partisipa iha Reuniaun Extra ordinária Konsellu Jeral Sentru Formasaun Jurídika no Judisiária (CFJJ), tuir konvokatória ne’ebé organiza husi Konsellu Jeral CFJJ.

Reuniaun ne’e hala’o iha Ministériu Justisa, Díli, ho objetivu atu diskute no delibera kona-ba assunto estratéjiku sira relasiona ho dezenvolvimentu, jestaun no fortalese formasaun jurídika no judisiária iha Timor-Leste.

Iha reuniaun ne’e, membru sira Konsellu Jeral troka hanoin no analiza matéria importante sira ne’ebé iha relasaun ho melhoramentu kualidade formasaun ba rekursu umanu iha setór justisa, hodi responde ba nesesidade no dezafiu sira iha área judisiária.

Partisipasaun husi Sua Excelência Dr. Afonso Carmona demonstra kompromisu Tribunal de Recurso atu kontinua kontribui ativamente ba dezenvolvimentu no fortalese instituisaun sira iha setór justisa, hodi promove sistema judisiáriu ne’ebé efikás, transparente no profisionál.