S.E. PREZIDENTE TRIBUNÁL DE REKURSU FÓ POSE BA DIRETÓR JERÁL, DIRETÓR NASIONÁL, XEFE DEPARTAMENTU SIRA NO PROMOSAUN BA  OFISIÁL DILIZÉNSIA

DILI, 11 DE MARÇO DE 2026 – Súa Exelénsia Prezidente Tribunál de Rekursu, Dr. Afonso Carmona, Fo  posse ba kargu foun sira ne’ebé integra iha estrutura foun instituisaun nian, ne’ebé inklui Diretór Jerál, Diretór Nasionál, no Xefe Departamentu sira, hamutuk ho promosaun ba Ofisiál Dilizénsia sira iha Tribunál de Rekursu.

S.E. Prezidente Tribunál de Rekursu Uza nia kompeténsia legál nomeasaun sira ne’e bazeia ba Despaxu N.01/2026,  Despaxu N.08/2026, no Despaxu N.20/2026. Fo pose  ida-ne’e nu’udar pasu estratéjiku hodi hametin efisiénsia servisu administrativu no kualidade foti desizaun nian iha Tribunal de Recurso. 

Breves Palavras husi S.E. Prezidente Tribunál de Rekursu, iha biban ne’e, Dr. Afonso Carmona fó énfase ba importánsia estrutura foun ne’e hodi dudu instituisaun ba oin:

“Liu husi estrutura foun ba kargu xefia sira-ne’ebé iha, ita bele servisu hamutuk ho di’ak liután. Importante tebes atu ita hotu mantein koperasaun ne’ebé metin, hodi nune’e bele lori instituisaun Tribunál de Rekursu ba futuru ne’ebé naroman no garante boa governasaun ne’ebé efisiente ba estadu.”

Breves Palavras husi Diretór Jerál Tribunál de Rekursu, iha fatin hanesan, Diretór Jerál foun, Sr. Cipriano Sarmento da Costa Lopes, subliña mós responsabilidade ne’ebé kargu foun sira-ne’e lori:”Simu knar foun ne’ebé mai ita hotu iha ne’e la’ós oportunidade de’it, maibé ne’e hanesan responsabilidade boot ida ne’ebé entrega mai ita hodi servisu iha instituisaun Tribunais. Atu nune’e, ita hotu bele servisu hamutuk, hametin koperasaun, no fó rezultadu ne’ebé di’ak ba dezenvolvimentu justisa nian.”