Iha loron 03 fulan Julho 2026, Sua Exélencia Presidente Tribunal de Recurso, Dr. Afonso Carmona, simu konvite husi Sua Exélencia Primeiro-Ministru RDTL, Kay Rala Xanana Gusmão, atu partisipa iha almosu ofisiál resepsaun ba Sua Exélencia Lawrence Wong, Primeiro-Ministru da Repúblika Singpura no Ministro das Finanças da Repúblika de Singapura, ne’ebé realiza iha Salaun GMN, Dili.
Tuir deklarasaun husi Sua Exélencia Primeiro-Ministru RDTL, visita husi Primeiro-Ministru Wong reflete kresimentu forsa relasaun entre Timor-Leste ho Singapura. Parte rua diskute kona-ba oinsá Timor-Leste ho Singapura bele hari nafatin parséria prátika ida ne’ebé suporta dezenvolvimentu nasional no hametin partisipasaun Timor-Leste iha ASEAN.
Timor-Leste simu ho laran haksolok investimentu husi Singapura, inklui iha área konstrusaun, turizmu, saúde, servisu no dezenvolvimentu ekonomia azul.
Sua Exélencia Primeiro-Ministru Wong ho Sua Exélencia Primeiro-Ministru Xanana Gusmão mos reafirma importánsia lei internasionál, diálogu no koperasaun pasífika entre estadu sira. Ba Timor-Leste, lei internasionál importante tebes ba garantia soberania, seguransa no dezenvolvimentu sustentável.