Iha loron 6 de Dezembru 2025, Sua Exelénsia Presidente do Tribunal de Recurso, Dr. Afonso Carmona, partisipa iha missa ba memória dos Heróis Nasionáis no iha atividade plantasaun ai-hun hanesan parte integral husi Semináriu do Ciclo de Reflexaun kona-ba 50 Anos Invasaun, ne’ebé hala’o ho tema:
“A Unidade Nasionál Garante a Sustentabilidade do Estado e da Nasaun.”
Serimónia importante ne’e hala’o iha Suco Vatuboro, Loes, Munisípiu Liquiçá, ho objetivu atu hatudu rekoñesimentu, honra no respeitu ba sakrifísiu boot Heróis Nasionáis hodi kontinua hametin sentidu unidade entre jerasaun sira.
Durante serimónia, Sua Exelénsia Dr. Afonso Carmona destaka importánsia unidade nasionál, koezaun sosial no obrigasaun instansia justisa atu kontinua kontribui ba reforsa Estadu Direitu Demokrátiku. Atividade plantasaun ai-hun mos simboliza esperansa, kontinuidade no kompromissu atu hadia futuru jerasaun sira nian.
Aktividade ida-ne’e hala’o hamutuk ho komunidade Vatuboro no autoridade lokál sira, hodi fo valor ba partisipasaun Sidadania no hametin espritu solidariedade.