Díli, 02 de Setembro de 2025, Sua Exelênsia Dr. Afonso Carmona, Presidente do Tribunal de Recurso, partisipa iha Seminariu Nasionál ho tema “O Papel da Nova Geração no Contexto do Desenvolvimento Nacional para Complementar as Obras das Antigas Gerações”, ne’ebé hala’o iha Palásio Presidensial Aitarak Laran, Díli.
Iha okaziaun ida-ne’e, Sua Exelênsia Presidente da República hato’o diskursu kona-ba importante papel jerasaun foun sira atu kontinua dezenvolve Timor-Leste ba futuru. Nia subliña katak jerasaun foun presiza kontinua aprende, estuda atu “to be the best”, hodi fó kontribuisaun boot ba dezenvolvimentu susténtavel nasionál.
Sua Exelênsia Primeiro-Ministro mos hato’o nia mensajen, ne’ebé fó enfáze kona-ba papel jovem sira iha dezenvolvimentu. Nia hateten katak: “Joven temki iha visaun ba futuru, joven mos temki iha inisiativa, kreativu. Labele hanoin no hein saida mak rai-ne’e atu fo ba o, maibé tenki hanoin saida mak o atu fo ba rai ida-ne’e.”