Díli, 02 de Outobro 2025 – Sua Exelénsia Presidente Tribunal de Recurso, Dr. Afonso Carmona, partisipa iha Serimónia Tomada de Posse ba Komissáriu Adjuntu Investigasaun Comissão Anti-Corrupção (CAC), ne’ebé hala’o iha Díli.
Serimónia tomada de posse ida-ne’e reprezenta momentu importante iha esforsu nasionál hodi reforsa kapasidade CAC iha área investigasaun no monitorizasaun kazu korrupsaun, tuir lei no regulamentu vijente.
Iha okaziaun ida-ne’e, representante sira husi instituisaun estadu relevante partisipá no hatudu apoiu ba funsaun fundamental CAC iha prevensaun korrupsaun, promosaun transparénsia no boa governansaun iha administrasaun públika.
Sua Exelénsia Presidente Tribunal de Recurso, Dr. Afonso Carmona, nia prezensa iha serimónia refere hatudu solidariedade institusionál, no hanesan forma kompromisu Tribunal de Recurso atu kontinua sustenta esforsu kolektivu nasionál hodi garante integridade, justisa no estabilidade iha rai laran.