Dili, Loron-6, fulan-Dezembru, tinan-2024, Prezidente Tribunal de Recurso Dr. Deolindo dos Santos hamutuk ho Prezidente da Repúblika Dr. José Ramos Horta no Vice II Prezidente Parlamentu Nasional Inaugura Edifísiu foun Tribunál Judisiál Primeira Instánsia de Dili (TJPID) ne’ebé mak lokaliza iha Kaikoli.
Liu hosi diskursu Prezidende Tribunál de Recurso nian hatete katak “Edifisiu nee hahú nia konstrusaun iha Tinan 2019, ho orsamentu ne’ebé boot no osan nee povu nian, tamba ne’e, husu atu orgaun judisiál sira servisu ho fuan kuidadu uma ne’e hanesan ita nian rasik hodi asegura justisa ba ema hotu”.
Alem de ida nee Prezidente da Repúblika mos fo agradesimentu no fo parabens ba Prezidente Tribunal de Recurso ne’ebé ho esforsu no haree ho pasiénsia prosesu preparasaun edifisiu foun hodi fo fatin diak ba Juizes, funsionárius nunee bele serbisu ho seguru no konfortu.
Iha Inaugurasaun ne’e assina plaka husi Prezidente da Repúblika nune’e mos bensaun husi Padre Àngelo Salsinha.
