Díli, 10 Setembru 2026 — Sua Exelénsia Prezidente Tribunal de Recurso, Dr. Afonso Carmona, hamutuk ho Juízes Konselheiros, no Juízes Administradora, partisipa iha Missa Solene atu fo homenajen no hanoin fali kontribuisaun no luta husi Preladu na’in haat ba povu no Igreja Katólika iha Timor-Leste.
Missa Solene ne’e realiza iha Tasi Tolu (Tasi 3), Díli, ho partisipasaun masimu husi membru Governu, autoridade sira, padre no madre sira, no komunidade sarani sira husi parte oioin, ne’ebé hamutuk atu selebra no fó omenajen ba Preladu na’in haat.
Preladu na’in haat ne’ebé hetan homenagem mak:
- Dom Jaime Garcia, Bispu Díli, tinan 1941–1967;
- Dom José Joaquim Ribeiro, Bispu Díli, tinan 1967–1977;
- Monsenhor Martinho da Costa Lopes, Administradór Apostóliku Díli, tinan 1977–1983; no
- Dom Alberto da Silva, Bispu Díli, tinan 2004–2015.
Iha misa solene ne’e, Sua Exelénsia Prezidente Tribunal de Recurso partisipa nu’udar reprezentante husi órgaun soberanu ida, hodi fó omenajen no hanoin fali serbisu, kontribuisaun no luta husi Preladu na’in haat ba Timor-Leste, liuliu sira-nia kontribuisaun ba Igreja Katólika no povu Timor-Leste.
Partisipasaun husi Sua Exelénsia no membru sira husi órgaun judisiáriu hatudu katak kontribuisaun Igreja no lideransa relijioza sira iha istória Timor-Leste sei nafatin iha fatin importante iha memória no konsiensia povu.
Missa Solene ne’e hala’o iha ambiente solenidade no respeitu ho partisipasaun husi autoridade estadu, membru Governu, hierarkia Igreja Katólika, padre no madre sira no fiéis sira hotu. Sira hamutuk hodi reza no fó omenajen ba Preladu na’in haat ne’ebé durante sira-nia serbisu iha Timor-Leste, kontribui maka’as ba Igreja no povu.
Depois de Missa Solene remata, Sua Exelénsia Prezidente Tribunal de Recurso hamutuk ho autoridade sira seluk, akompaña prosesu funeral ba Igreja Katedrál Díli atu kontinua fó respeitu no omenajen ikus ba Preladu sira.
Eventu ne’e sai nu’udar momentu importante ida atu hanoin fali istória, serbisu no kontribuisaun Preladu na’in haat, no haforsa nafatin valor unidade, solidariedade no memória kolektiva iha sosiedade Timor-Leste.