Díli, 10 Jullu 2026 – Sua Exeléncia Prezidente Tribunal de Recurso, Dr. Afonso Carmona, partisipa iha Serimónia Tomada de Posse ba Procuradores da República, ne’ebé realiza iha edifísiu Ministério Público – Procuradoria-Geral da República, Díli.
Serimónia ne’e reprezenta momentu importante ida ba fortalese Ministério Público no sistema judisiáriu Timor-Leste, liuhusi tomada de posse ba Procuradores da República sira ne’ebé sei assume responsabilidade atu hala’o sira-nia knaar ho independénsia, integridade no profesionalizmu, tuir Konstituisaun no lei sira ne’ebé vigora.
Iha serimónia ne’e, Dra. Flaviana J. Cristóvão, nu’udar reprezentante husi Procuradores da República sira ne’ebé tomada posse, hato’o discurso ne’ebé reafirma komprimisu atu hala’o dever no responsabilidade ho dedikasaun, étika no integridade, hodi kontribui ba administrasaun justisa ne’ebé justu no efetivu ba povu Timor-Leste.
Tuirmai, Ex.mo Dr. Nelson de Carvalho, Prezidente do Conselho Superior do Ministério Público (CSMP), hato’o nia discurso, ne’ebé subliña importánsia papel Procuradores da República sira iha defesa legalidade, promosaun justisa no hametin Estado de Direitu Demokrátiku. Nia mos enkoraja Procuradores foun sira atu hala’o sira-nia funsaun ho imparcialidade, responsabilidade no profesionalizmu atu mantein konfiansa públika ba sistema judisiáriu.
Serimónia ne’e mos hetan onra ho prezensa husi Sua Excelência Prezidente da República Democrática de Timor-Leste, Sua Excelência Primeiru-Ministru, membru Governu sira, lideransa instituisaun Estadu nian, reprezentante korpu diplomátiku, família husi empossadu sira no konvidadu sira seluk, ne’ebé hamutuk asiste no fó apoiu ba Procuradores da República sira ne’ebé oficialmente hahú sira-nia misaun atu serve povu no nasaun.