Dili, 22 de Jullu de 2025 – Tribunal de Recurso no Tribunal Câmara de Contas hala’o formasaun profesonál fó benefísiu ba auditores ne’ebé servisu iha institusaun refere, iha loron 22 fulan Jullu tinan 2025.
Formasaun importante ne’e fasilita husi formadores internasional sira: Sra. Markella Koukkoulli husi Cyprus no Sra. Jani Aulona husi Albania, sira-ne’ebé iha esperiénsia boot iha área auditoria no fiscalização financeira.
Formasaun refere bele aumeta kapasidade téknika no kompeténsia auditores iha Timor-Leste, liu-liu iha aspeto transparénsia, integridade no jestaun ba finansas públikas. Tribunal de Recurso no Câmara de Contas kontinua kompromete atu reforsa sistema justisa no kontrole públiku iha rai laran.