Iha loron 22 fulan Maio tinan 2026, Sua Exelénsia Presidente Tribunal de Recurso partisipa iha audiénsia iha Komisaun A (Assuntus Konstitusionais no Justisa), Parlamentu Nasional, hodi diskute proposta Lei n.º 31/VI kona-ba primeira alterasaun ba Lei n.º 8/2025, loron 27 Novembru, kona-ba Orsamentu Geral do Estadu (OGE) ba tinan 2026.
Audiénsia refere envolve no partisipa husi Ministériu da Justisa, Tribunal de Recurso, Procuradoria-Geral da República, Defensoria Públika no Polícia Científica de Investigação Criminal (PCIC).
Durante audiénsia ne’e, instituisaun relevante sira fahe hanoin no kontribui ho informasaun hodi apoiu prosesu análise no diskusaun kona-ba proposta alterasaun OGE 2026, atu garante implementasaun programa no prioridade estratéjika setor justisa nian.
Ne’e nu’udar parte husi mekanizmu koordenasaun no servisu hamutuk entre órgaun soberania no instituisaun relevante sira atu fortalesi sistema justisa no dezenvolvimentu nasional.