Díli, 20 Maiu 2026 – Sua Exelénsia Presidente Tribunal de Recurso, Dr. Afonso Carmona, partisipa iha serimónia ofisiál selebrasaun 24 aniversáriu Restaurasaun Independénsia Repúblika Demokrátika Timor-Leste, ne’ebé realiza iha área Tasi Tolu, Díli.
Sua Exlénsia Presidente Tribunal de Recurso, Dr. Afonso Carmona, partisipa iha serimónia refere hanesan reprezentante husi órgaun soberania judisiál, hamutuk ho Sua Exelénsia Prezidente Repúblika, Sua Exelénsia Primeiru-Ministru, Sua Exelénsia Prezidente Parlamentu Nasionál, membru Governu sira, autoridade Estadu no populasaun tomak hodi selebra loron istóriku ida-ne’ebé importante tebes ba povu Timor-Leste.
Serimónia selebrasaun 24 aniversáriu Restaurasaun Independénsia ne’e lao ho ambiente patriotismu no unidade nasional, ho partisipasaun máximu husi populasaun husi munisípiu oioin. Millares ema marka prezensa iha fatin selebrasaun hodi hatudu espírito nasionalizmu, haksolok no respeitu ba luta no sakrifísiu herói sira nian iha prosesu ukun-rasik-an Timor-Leste.
Durante serimónia, realiza mós desfile serimonial, apresentasaun kultura no atividade artístika sira ne’ebé reflete identidade no riqueza kultura Timor-Leste nian. Selebrasaun ne’e sai simbolu ida husi dame, unidade no kontinuidade dezenvolvimentu nasaun.
Partisipasaun Sua Exelénsia Presidente Tribunal de Recurso, Dr. Afonso Carmona, iha eventu nasional ida-ne’e hatudu komitmentu instituisaun judisiária nian hodi kontinua hametin Estado de Direito Demokrátiku no kontribui ba estabilidade no dezenvolvimentu nasaun Timor-Leste.
Loron Restaurasaun Independénsia, ne’ebé selebra kada loron 20 Maiu, kontinua sai hanesan data istórika importante ida ba povu Timor-Leste atu hanoin fila fali ba luta naruk povu nian hodi hetan liberdade, soberania no independénsia plena iha tinan 2002.