St. Petersburg, Federasaun Rússa – 23 – 24 Juñu 2026
Sua Exelénsia Dr. Afonso Carmona, Prezidente Tribunal de Recurso Timor-Leste, hamutuk ho
delegasaun Tribunal de Recurso Timor-Leste, to’o iha sidade St. Petersburg, Federasaun Rússa,
hodi partisipa iha eventu 14th International Legal Forum,
ne’ebé sei hala’o iha ExpoForum Convention and Exhibition Centre, St. Petersburg, iha loron 24 to’o 26 Juñu 2026.
St. Petersburg International Legal Forum mak konferénsia internasionál ida ne’ebé reune lideransa judisiál, reprezentante governu, profisionál sira iha área lei, akademiku, peskizadór no peritu jurídiku husi nasaun oioin. Forum ne’e sai hanesan plataforma importante atu promove diálogu jurídiku internasionál, troka esperiénsia no hametin kooperasaun entre sistema justisa iha mundu.
Forum ida-ne’e hala’o ho apoiu husi Prezidente no Governu Federasaun Rússa, no diskute
kona-ba dezafiu jurídiku kontemporáriu, reforma sistema lei, inovasaun iha setor judisiáriu no
kooperasaun internasionál.
Iha serimónia ofisiál 14th St. Petersburg International Legal Forum, Sua Excelénsia Dr. Afonso
Carmona partisipa hamutuk ho reprezentante judisiál no instituisaun jurídika internasionál sira.
Durante programa forum, Prezidente Tribunal de Recurso Dr. Afonso Carmona partisipa konferénsia ho tema sira:
a. Recognition and Enforcement of Foreign Court Judgments;
b. Transport Law Always in Motion;
c. The State and Civil Society Partnership and the Resocialization of Offenders.
Partisipasaun ida-ne’e hatudu kompromisu Tribunal de Recurso Timor-Leste atu hametin diálogu no kooperasaun jurídika internasionál, partilla esperiénsia, no kontribui ba dezenvolvimentu sistema justisa ne’ebé independente, modernu no efetivu.