Juízes Conselheiro/as no Juíza Administradora Tribunal de Recurso Partisipa Iha Jantar de Gala, IV Congresso Internasional Países de Língua Portuguesa (IBDFAM/EMERJ)

Iha loron 10 fulan Julho 2026, iha tuku hitu kalan (19h00), Juízes Conselheiro/as no Juíza Administradora Tribunal de Recurso partisipa iha Cerimónia Jantar de Gala ne’ebé realiza iha Palácio Nobre Lahane, Díli, hanesan parte husi atividade sira iha IV Congresso Internasional Países de Língua Portuguesa (IBDFAM/EMERJ).

Cerimónia ne’e mos hetan partisipasaun husi Sua Excelência Presidente da República, membru Governu sira, reprezentante instituisaun estadu sira, no delegasaun husi rai oioin ne’ebé partisipa iha kongresu internasionál refere.

Partisipasaun husi Juízes Conselheiro/as no Juíza Administradora Tribunal de Recurso iha eventu ne’e reflete kompromisu instituisaun judisiária Timor-Leste nian atu kontinua hametin relasaun amizade, kooperasaun no troka esperiénsia ho país sira ne’ebé uza língua portuguesa hanesan língua ofisiál.

Juízes Conselheiro/as no Juíza Administradora Tribunal de Recurso foto hamutuk ho delegasaun sira no konvidadu importante sira ne’ebé marka prezensa iha eventu refere, hanesan sinal amizade no kooperasaun di’ak entre instituisaun no país participante sira.