Thailand, 23 de Julhu de 2026 – Sua Excelénsia Prezidente Tribunal de Recurso, Dr. Afonso Carmona, hamutuk ho ekipa Tribunal de Recurso, partisipa iha serimónia Gala Dinner – Journey of the River, ne’ebé organiza ba delegasaun sira husi Conselho dos Chefes de Justiça ASEAN no ASEAN Law Association.
Serimónia ne’e realiza iha InterContinental Bangkok, Thailand, no hetan partisipasaun husi Prezidente Supremu Tribunal sira ka Xefe Poder Judisiáriu husi nasaun membru ASEAN sira, ho objetivu atu haforsa amizade, solidariedade no kooperasaun entre lideransa judisiál iha rejiaun ASEAN.
Partisipasaun Sua Excelénsia Prezidente Tribunal de Recurso iha eventu sosial ofisiál ida ne’e reflete komitmentu Tribunal de Recurso Timor-Leste atu kontinua hametin relasaun institusionál ho poder judisiáriu sira iha rejiaun, hodi promove troka esperiénsia, kooperasaun judisiál no dezenvolvimentu sistema justisa ne’ebé efetivu no modernu.