Juíza Conselheira Dra. Jacinta Correia Partisipa Missa Bensaun ba Urnas iha Jardim dos Heróis Fatuk Kéru, Ermera

Ermera, 27 Julho 2026 – Juíza Conselheira Dra. Jacinta Correia partisipa iha Missa Bensaun ba Urnas ne’ebé realiza iha Jardim dos Heróis Fatuk Kéru, Munisípiu Ermera, nu’udar parte husi preparasaun ba serimónia simu no fó onra ba restus mortais herói sira nian.

Missa refere hanesan parte importante ida husi serimónia haloot restus mortais ne’ebé sei realiza iha Jardim dos Heróis Fatuk Kéru. Iha momentu ida-ne’e, selebrante Padre Domingos Moreira, SJ, hato’o liafuan agradese ba ema hotu ne’ebé kontribui ba preparasaun serimónia refere no halo mós bênsãu ba urnas no kampa sira ne’ebé sei uza iha serimónia refere.

Serimónia bensaun ne’e realiza molok prestasaun onras fúnebres ba restus mortais ne’ebé programa atu realiza entre loron 28 no 29 Julho 2026.

Partisipasaun Juíza Conselheira Dra. Jacinta Correia iha serimónia relijiozu ida-ne’e reflete respeitu no solidariedade ba memória herói sira ne’ebé sakrifika an ba independénsia no soberania Repúblika Demokrátika Timor-Leste.